Biezai

Dear Rahto suhto liata ay pa Khisaw zydua,

Eima rah sawkha ryureih na phalei tupa vata nata kyhto liata phahla na hluhpi vata thyutlia leichei pazy thiti-loti adai leipa ta, eima thilei ngala pa ei pacha chata, haochhao pakha tahta mia paseisa theikhao va dai.

Chysa reitheina api ngalapa nata athau-asah ta athie ngala chysa thitla atlahpa zy heta thi leipa ei ta, kha hawpa syuna atao leipa thyutlia leichei pazy heta mia ama khosai. Taothai aru dachala!
Fietae Khai Hlie So Mylei na Biezai

Aizaw! Khapa vata ma na, a daiti leipi ta

Na lokhei zy, na khisaw zy

Pahno hma leipa ta, leitlah cha mia na khasai haw ee na

Chaw pangiasa chachih tae va daipi ma?

Na lokhei viasa zydua ta

Moku rah-mah khema vaw tapi, na khisaw zy ta

Taothai aru dai cha, Fie tae Khai Hlie So


A daiti vaw cha, chachih tae va daichih, khapa vata ee

Na lokhei zy, raihthli hithei khao vadai

Rahto suhto tawh

Taothai aru dachala, Fietae Khai Hlie So na..


Khapa vata ma, khapa vata ee

Hihaw hita, raihthli tihaw alo, Na khisaw zy

Sawkha ryureih na, phatlai sala

Maleria vata, atano raithli tihaw vawlo chachihtae aw vei

SIZO sawzy

Apasah tu sadai ma, Fietae Khai Hlie So


Kha tita ma, na khisaw chata hmopha avaw tlo awpa

na hnabeiseina

palophao hmia hnazo angia ngaitae pakha

Eima vaw my thei aw va ma?

Na lokhei, khisaw zy ta..

My nano rai, chaw hnei chachihtae aw ma pi

Fietae Khai Hlie So


Na hmopha taona, na vanoh taona, na veiseina

hmiaphao ngiapa zydua kha

Losoh pa Ochhi ngia pata ngokhi lia

eima charei kho hlalei tacha...

Chaw mychachitae aw mapi,nalokhei zy rahto suhto tawh

Atla pata chhazaw thadah nasuh chavangai mah ei.

Fietae Khai Hlie So



Chhi Tuh
SIZO Yahoo Group
http://sizorah. blogspot. com/
Canada

Sizo Development Committee paduana awhpa kyh

Dear Kyhpachapa Sizosawzy,

Keima khi Sizo rah nata achaufaw zau chata future lathlohpha pahau na awhpa chata nama khokheina aoh reih zy, nama khopasa pachana phah ngaitah pazy eima vaw thie lyma hei tita, eima palophao liata alyna saita avaw bie hi.

He hawta chha piemaw ngasa pa suh nata duahmo liata eima y laihrahba pa he keimo nata keimo tahta lesah awhpa rai laichaipa ay tapa lesah pahno pasia pata chakaona rai hria pathyu ba awhpa kyh he eima vawsi pahlie hawpa 2009 chho lia khata vaw reih pahmao hawpa acha. Ano deidua Internet Online ta raihria pa nata meeting taopa acha chaupa hliekho ta, Sizosaw zy atahma hawta internet Email ahmah pa Members eima hluh leipa va nata atahma hawta achhuana hmesepa nata khopasana hmesepa ao reih eima thei hluh leipa vata eima chhuana hawta hlaotloh pitloh theipa cha vei hrasala, no nokha cha eima tlahtlo pitloh khei chienge awh tapa cha Sizosaw eima zydua palophao liata lesah ay chihaw pa cha. Chavata ary la hawna heta vaw palasa pakhua heisi la;

1. Ngephesizo sawzy Globalizations khizaw hmahsina yzi alai chadai hrah pata rahpha viapazy lata eima y pathao lai hrahba pa hawta, kyhto liata keimo nata keimo ta ta a mohona, adychhauna, achiechalona, achhithana, akaoraohna, a pohkhana, nata hmasiena phaviapazy eima hneithei via lai lyma na'whpa chata miah achhitha lai awhpa Organization Py sakha chha hnei thei sila tahpa pachana avaw y.

2. Organization Py moh cha, Sizo rah hmahsiena Py ( Eg; Sizorah Development Organization, Sizorah Community Development Initiative Program, Sizo Social Welfare Organization, Sizorah Development Committee ) tahpa zy liana he ta sakha kha acha veikhia ahropa moh sakha kha comfirm theipa acha se tahpa pachana avaw y.

3. Organization Py sakha kha moh comfirm pa acha nata rahto suhto liata ay pa Sizosawzy Directory moh pata chhietupa(Board of Administrators), sahlao ( Membership) nata Communication and Branch he atlyhna Election hneithei ei sila tahpa pachana avaw y.

4. Agency cha; Sponsor or Stakeholder cha awhta, Sizosaw zy rah hrolata ay pazy taovao hriavao acha awh. Organization Py sakha kha eima padua pacha Committee taopa chasala, cha Committee chata fund tlua awh ta, cha chata Sizo rah hmahsiena Sponsor nata keimo nata keimo tahta chino phano kyh liata lesa amohona, adychhauna, achiechalona, achhithana hria pathao lyma bapa chase tahpa khona ay.

5. Organization Py he Constitution nata By-law chhao hneitheisie tahpa khona y ta, Van Van ( Va Lai Tha ) tawhta Constitution Draft cha Temporary maniah pachhua panopa theise tapa pachana avaw y hra.

6. He zydua eima tlahtloh pitloh khai tawhta eima rah cha, project kheipa maih hriah pazi pathao lyma awhpa chase tapa khona ay.

Chavata khizaw eima hrochho ta ahnawpa chakaona rai hria awhpa piemaw chaipa cha, eima palophao liata lesah achhuana hmesepa palophao pata keimo nata duahmo hmo taotheina liata khacha thinatai ngachhi pata chakaoba awhpa kyh liana he ta nama nata popakha pachana zyduakha Sizo rah nata achysa zydua ta eima nge ngasa pa acha.

Rahto suhto liata ay pa Ngephesizo Directory www.sizorah.blogspot.com

Nama hriala pa nata na chakaola pa

Chhitu
Ngephesizo Yahoo Group
www.sizorah.blogspot.com
Winnipeg, Manitoba, Canada.