Eima Khi chata pacha kho na

Written by Salai Van Lian Thang

Dear Dawtmi unau hna,

Rian dangdang ruangah biaruahnak ah ka tel kho lo. Nain ca ka rel dih ko i, ka lungchungah kan ngaihchiatnak le kan lunglomhnak ka rak i hrom lengmang ve tic him hmasat ka duh. Pu Stephen Khiling nih ruahnak a chuahpi mi hi ceih cio dingah urgent ngaingai in ka theih.

Kan hnu May zarkhatnak ah Saiha ka tlawng. Mautam tuarmi tam nawnpi ka hmuh hna. Ka theih ningah Ngaiphaipi, Lungcawite le kan khua hna cu: CAD or UNDP or Gret hna in bomhnak an hmuh lo thong ka rak theih. A dang khua cu a nuai nuai in an don fiang ngaingai in kan hmuh. Ka lung a fak ngaingai ve. Kan hnu lei ah Chin State khua sawmnga ah mithi list le an zawtnak kan hlat tikah kan khua cu a tambik kan si. A dang cu minung pathum pali an si lio ah kan khua cu minung pahleithum kan thi. Ka lung a tha lo ngaingai.

Cun kan khua an tam tuk lo ning thongpang zong kap khat lei in kan theih than tikah lung a zaang deuh mi a lo. Nain a cheukhat cu thaizing ni chuak hmanh a hngak ngam lo mi, zan zong a it kho hrimhrim lo mi an um hrim lai ka zumh. Zeipoahsisehlaw, kan khua cu zuanhnawh le thuamh a herh hringhran ko zapi theih a si. Electric kong zongah Saiha lei bomhhal in kan khuami an vah zong ka rak theih ve. Zeitindah kan tuah kun lai?

Biatak ten kan ti khawh tawk ten kan I zuam cio ve hna I, hmaizarh lei cun: kan khuami zong zeimazat facangtun bomhnak an hmuh cang lai ka zumh. Nain zeihmanh impact a ngei lem lai lo. Kan harnak zohah chimtlak lo a si ko.

Hlan deuhah kan khua le kan ram caah ka saduhthah tlawmpal ka rak tial ve cang. Cun kan khuami Directory zong kan vun hmuh cang I lomh a um ngaingai ko. Group biaruahnak ah kan I tel dih khawh cun a tha ngaingai ding a si.

Kei ka ruahnak cu: Thanchonak BU pakhat kan dirh a herh. Ramchung zong kan dirh a herh. Cu Bu hruaitu ramchung zong ram leng zong thim a si lai. Phaisa kan thawh cio lai. Member fee zong thawh dih a si lai. Cu nih kan khuami caah thanchonak tampi a tuan lai. Cu thanchonak cu meeting nih a ceih lengmang lai. Department kan dirh lai. Department hruaitu zong General Meeting ah kan thim hna lai. A hmasabik ah BU constitution le a riantuan ning kan fian a herh lai.

Cu BU Constitution le By-law zong a hmasabik ah draft ka vun chuahpi te lai I, kan ruahnak chim cio uh sih law a tha ngaingai lai. Zeitindah kan khua caah rian kan I thawk khawhnak ding lam um chun cu: BU pakhat dirh a si tiah ka ruah. Long-term caah a si lai I, Mara chuahkehnak khuahlunbik a si nak, zohchunh awk tlak modern village ah serh khawh ding kan I zuam cio hna lai.

Keimah ruahning propose ka vun tuahmi a si ko I, nan ruahning vun chim cio uh law lomh a um ngaingai lai.

Dam te in,

Van Van (Valaitha Chozah)
Camp: Chiangmai/ Thailand