MY NA NORAI CHAWHNEI AW MAPI

Dear Khisaw zydua,

Eima kyhpacha pazy Chava haosa rah mia atlohsai hawpazy My leina

1.Eima no, Sa Pai no
2. Eima no, Ze Ze no
3. Eima no, Elista no
4. Eima paw, Si Pai paw
5. Eima paw, Cho Hre paw
6.Eima nawtae, Bie Za Lei

Eima paw nata no, nawtae zy thlahpa chhazaw hrona lathloh achihai pazy lathlohcha patlai pha lyma mawse.


He hawta ta eima chapa ngiasa leina daiti liata khizaw reitheina mia nama vawkhosai no ta, chysapa chana hetala taothai aru ngaita. Namo zycha ava-Khazopa ta mia achhuadei napa ngosopa lona Ava Opha pata taopa suh lachata mia sisai syulyu haw eichi.Chasala he hawta chava haosa rah mia nama tlohsai hawno heta chhokha khisaw paloru ngiachhina deita heta vaw y parei awmapi. Abeipa tlai chata thina tawta hrona hnei pata thina khola hrona mia apie hawpa kha vaw my chacheita awmapi na, nama hmia cha adaiti eima tloh nata eima hmo pakhua hei awpa acha.Chahawpa ngosopa lona ta taopa Ava Opha eima vaw tloh hlalei tacha, na kyhpa cha khisaw zydua vaw viavi pathlie dichi tah awmapi na. Eima cha vawva ngaisa kaw dai mah.

He khizaw liata reithei pasa taopa ta nama vaw y no liata Ngephe SiZo khisawzy kyh nama pacha ngaitana reika zy nata khisawzy chata hmopha avaw tloh awpa hnabeiseina paloru phao pata nama hmopha taona, nama vanoh taona, nama veiseina, ava-Khazopa liata nama thlachhana zydua tlaikhata nasisaipa na chhokha, khisawzydua chata my nano rai vawhnei chacheitae awma pi na. NgePhe SiZo Yahoo! Groups tawhta my nano rai chawhnei bei awma pi.


Zisu Kyhpacha noachhi, azawngiahna reithai si:
Va okhaihpha nah khochhihpa, Eima chata miah chhuahdy.

Varah eima tlotita, chanoh rohnah pa lia eima ly aw,
Zisu eima hmo ti, pahniena hla cha sa awpi.

Varah Pangaita eisi no, meihdozy avaw zo tyh
Chahrasala khitlyh na chha ti, zohna riethei apai aw.

Siana nata ngachhih pata nohto chakao lyma si,
Arohnahna tohr'aw pata hrochhoh na he hria suh vei.

Eima hmiala rah rohnahpa Ngiazi reitialeipa y,
Losohpa ochhi ngiapata Ngokhih lia charei awpi.


Thlahpa chhazaw thadah na suh lata angai haipa Eima No nata Paw, Nawtae zy lathloh cha patlah lyma sala, nama vaw sisai hawpa chhokha sanaw-rino nata Ngephe Sizo khisaw zydua hnota chhao ABEIPA tawhta thlalona khizaw ta api theilei pacha vaw tlohpha maw se.


MY NANO RAI CHAWHNEI AW MAPI

Losohpa Ochhi ngiapata, Ngokhih lia eima charei khohla lei chaw my awmapi


Eima tyhhei hlalei atlapa ta


Moderator
Ngephe Sizo Yahoo! Groups.